حلو و مالح

جاني ايميل في طريقة العجينة هذة و كانت مسوية فيها كل شي تتوقعوا من حلو و مالح ماشاءالله المهم قلت خليني اجربها و طلعت شي راااااااااائع جربوووهااا..

مقادير العجينة:

2ونص كوب دقيق (1ونص كوب دقيق كويتي + 1 كوب دقيق عادي )
1 علبه لبن زبادي
1 ملعقه كبيرة وشويه خميرة فوريه
1 ملعقه كبيرة وشويه بكم بودر
ربع كوب زيت
نص كوب لبن سائل (لبن الصافي او المراعي )
ملح
3 ملاعق كبيرة سكر
الطريقه :
نخلط جميع المقادير بالعجانه ونتركه تنعجن كويس

(طبعا هنا مافي دقيق كويتي يعني سويتها بالدقيق العادي و اللبن السائل سويتة في البيت ..عبارة عن لبن زبادي محلول بشوية مويا و اخلطي مزبوووط اما بالنسبة لمقدار علبة اللبن الزبادي ..حطيت لبن زبادي بمقدار ملعقة الشوربة (الكبشة) ملياانة و زودت شوية دقيق لاني حسيتها تلصق شوية

المالح:
فردت العجينة و حطيت جبنة بيضاء و مورزليلا و كزبرة نااعمة و دخلتها الفرن

الحلو:
سويت اشكال مختلفة و دهنتها حليب سائل و رشيت عليها قرفة و دخلتها الفرن و لمن استوت رشيت عليها سكر ناااعم و سويت سوس التوفي جنبها ..مرررة طعمة

سوس التوفي:
كوب سكر على النار الين يسير بني فااتح تكبي علية علبة قشطة و تقلبي مزبووووط بمضرب الكيك عشان لايتكتل معاكي او ممكن تشترية جاهز
[img] [/img][img] [/img][img] [/img]

يختي عليكِ ياعهوووود سنعه

تحسين سنعه داخله غلط بالكلام

تسلم يمينك

ياقلبي انت تسلمي

نسيت اقولك ياحبي لك ياهنوووووووووووووووو هههههههه

مشاء الله عليكي يا عهود والله فنانه الله يحفظك
بس انا عندي مشكله العجاين ما تظبط معاي

افناااااااااااان هادي العجينة ممتااااااااااااااازة حتى ميعاد جربتها وطلعت ممتاااازة جربيهااااا