شوربة البروكلي يمممممممممممي(على طريقة هبه)

اليوم يابنات جايبتلكم شوربه لذييييييذه جدا جدا جدا
يممممي يمممممي جدا جدا جدا

المقادير:
بروكلي-زبده-زيت-بصل مطحون ناعم
ملح الثوم-فلفل اسود-2او3 ملاعق دقيق
مويه حاره-ماجي-كاسه حليب-
كاسه كريمة خفق-جبنه تشيدير-
جبنه موزاريلا
يممي يمممممي

وذحين نجي للطريقه:
1-اول شي تكشني البصل في الزيت والزبده وزوديهم شويه مو مرره عشان ماتسير دسمه
المهم وبعدين تحطي عليهم الدقيق وتقلبي بسررعه عشان مايتكتل.

2-بعدين حطي مويه حاره وقلبي بسرررررعه وحطي ماجي(ملاحظه:بامكانك الاستغناء عن الماجي والمويه الحاره بمسلوقه طبعا صحيه اكثر)
وقلبي بسرعه جدا جدا جدا واذا تعبتي خلي زوجك او اخوكي يجي يقلب بدالك خخخخخخ.

3- المهم بعدين حطي كاسة الحليب وكريمة الخفق والاجبان الي هي التشيدير والموزاريلا
وانا بصراحه مااعرف كمالمقدار بالضبط بس شوفي بالنظر وذوقيها اذا سار طعمها جبنه خلاص لاتزيدي يعني تقريبا اتوقع كاسه جبه تشيدير واحسن لو تحطي الموزاريلا اقل يعني ممكن نص كاسه.

4-وبعدين ياحلوه تحطي ملح ثوم شويه وفلفل اسود وقلبي واذا شفتي انو يحتاج ملح حطي.

5-واخيييييرا تحطي البروكلي وخليه يطبخ شويه اصحك يطول ويتفتت البروكلي انتبهي
وبعدين سكي النار واغرفي الشوربه وبالهنا والعاااافيه.
ويمممممي يمممممي


ملااااااحظه شخصيه مهمه جدا:
انا حطيت زيت زيتون وحطيت الزبده شويه مرره عشان تعطي طعم فقط لا ااكثر
فلو تحبو تسووا زيي براحتكمم بس لانه الشوربه دسمه ومو ناقصه تزيدوها دساااااامه
بس حتاكلوا شوربه في حياااتكم مااكلتووووووووها.


[img]URL=https://2img.net/r/ihimizer/i/026o.jpg/][/URL][/img]

واااو يا عسل شكلها جناااان
انامره احبها ودايم اخذها من فرايديز
سلم الايادي وشكلك بتخسرين فرايديز
مشكوووره على الشوربه

ياحياتي انتي بالعاااافيه

لاوم اجربهااااااااااااااااا حمستينيي ..تسلم يدك

عودة الشوربة خيااااااااااااااااااااااااال دحين جالسة اشربها هههههه
والله رااااااائعة شكراااااا

ههههههههههههههههههههههه بالعافيه