ملفوف الكرنب

ملفوف الكرنب

مقادير الحشوة:

رز مصري + بقدونس مفروم + نعناع مفروم + طماطم مفرومة + بصل مفروم + شوية ثوم + شبت مفروم ناااعم + زيت زيتون شوية + فلفل اسود + ملح + ملح ليمون

*لخبطي كل المقادير مع بعض و اتركيها على جنب


طريقة العمل:
_اقطعي الكرنب زي علامة زائد يعني رح يسير عندك 4 اقسام
_غسلية و اسقية
_بعد السلق اشطفية بمويا بااااردة و صفية من المويا
_امسكي قطعة من الكرنب و احشية من الحشوة و لفية>> زي ورق العنب شكلة
_رصي في القدر حلقات بصل و بعدين رصي الكرنب
_سوي خلطة في صحن تاني ..عبارة عن (صلصة + نص ك عصير ليمون + ملح ليمون حبة ماجي+ زيت زيتون)
_صبي الخلطة على الكرنب و زيدي شوية مويا
_حطي صحن فوق الكرنب عشان مايتفكك عليك ..الصحن يكبس علية >> حلوة يكبس دي ههههههه
_خلي النار على وسط و كل شوية شوفي المويا لو احتاج زيدي
_لو ماتحبية احمر ممكن تستغني عن الصلصة
_و بالعافية و الهنا


*الصورة مو مررة مشهية للاسف بس اهم شي الطعم يابنات ههههههه* جربوووووووووة

[img] [/img][img] [/img]

ياسلااااام ياعوده ليتك نزلتيه قبل اسبوعين اختي العروسة كانت تبغاه ودخلت دورته في المنتدى حقنا ومالقيته ... واتصلت تسالني قلت لها ماااعرف اسويه
شكرا ياعسل عالاكله مره احب الملفوف يذكرني بطبيخ امي

خساااااارة..بالعافية ياقلبي انت بس قولي و انا ارسلك الين البيت

ياسلااااااااااااااااااااااااااااااااااااااااااااااااااااام عرض مغري مافيه رجعه ههههه الكل شاهد عليك اني لو طلبت بترسلي... عالعموم خليني اجربه اول وبعدين نتفاهم على العرض كم مدته هههههه

ياسلاااااااام هذا الملفوف
نور ترا خطييير جابتلنا منه في المعهد مره طعم ماشالله مايحتاج تذوقيه خلاص انتي حددي مدة العرض وانا اضمنلك انو طعم الضمان عندي ههههههههههههههه

هههههههههه اتفقتوا انتوا الاثنين عليا ها ههههههه

ولا يمكم انتوا الاتنين بس قولوا و انا حااااااااااضرة