هل أنت مؤيدة أو معارضه للاقتراح؟؟ ياليت نفكر جديا ونتناقش...

السلام عليكم ورحمة الله وبركاته جميعاً...
طبعا أفنان كانت مشغولة ومانزلت موضوعها الحواري الجديد لهذا الأسبوع فقلت خليني اقترح موضوع بالذات بعد ما قرأت خبر عصبني صراحةً...
الخبر ياحبايب انه عائلة عندهم طفله عمرها 5 سنوات فتحت شباك البيت اللي في الدور الثاني وطاحت من فوق والحمد لله ما ماتت بس اصيبت بكدمات ورضوض لأنها طاحت واقفه على رجلها وطبعا الشباك كان مافيه اي نوع من انواع الحماية والسلامه ... مو هذا الموضوع المهم .... المهم انه سيارة شرطة كانت ماره وشافت البنت مرمية في الشارع ومصابة وطلبوا الهلال الأحمر لها وجاء الهلال الأحمر وأخذ البنت وعالجها ووداها المستشفى ... الين الآن الموضوع طبيعي .. بس اللي مو طبيعي انه الشرطة اتصلت عالاهل تبلغهم انه بنتهم كذا كذا حالتها وطلعوا الأهل ماهم دارين ولا جايبين خبر عن بنتهم تخيلوا بالله ايش رايكم؟؟
هذا رابط الخبر:

http://sabq.org/sabq/user/news.do?section=5&id=20681

المهم انا موضوعي النقاشي هو:
هل تؤيدي انه يكون في لجنة تعاقب الأهل اذا اثبت انهم مهملين ؟؟ يعني زي هنا في امريكا كانوا ممكن ياخذوا الطفله ويحرموا الاهل منها للابد... بس انا اقترح انه يكون لجنة تاخذ الطفل فترة مثلا شهور او سنة اذا تحققوا من إهمال الأهل لتربية اطفالهم.... او مثلا اذا تأكدوا انه الأهل يسيئوا معاملة الطفل مثلا يضربوه ضرب جامد او يعذبوه؟؟

انا ما اقول ياخذوهم للابد ولكن ياخذوهم فتره يربوهم تربيه افضل في مركز خاص لهذه الحالات... هل انت مؤيده او لأ ولييييييش؟؟

تحياتي

والله موضوع حلو يانور
انا بصراحه اول ماجيت امريكا وعرفت نظامهم هذا وكذا عصبت مره وقلت كيف يحرموا الاهل من اطفالهم ومادري ايش
بس بصراحه بعد القصص الي سمعتها لقيت انو معاهم حق في النظام هذا وياليت يتطبق عندنا في السعوديه بس على قولتك مو يحرموهم للابد لا نبغ فتره بسيطه زي ماقلتي سنه بالكثير
بس يعني انا راح احتفظ برأيي لنفسي لاني راح انكشم لانه عندنا في السعوديه (لاحياة لمن تناااادي)
والحمد لله على كل حااال

تلاقي الحكومه تعطيهم فلوس بس تبي الفكه من اطفالنا

الصراحه انا مرره أييد انه يكون في رقابه او عقاب رادع على الاقل بلاش ياخذهم اعتقد عندنا ناس كثير تبي تتفتك من عيالها

لكن انا اشوف يكون فيه شي صارم يردع

ويعطيكي العافيه يا نور انك اخذتي المهمه عني لكن لي عوده ان شاء الله